Hvað er lágmarksmagn (MOQ)?

Það kostar tíma og efni að stilla vélar, lita garn eða útbúa mót fyrir nýja vöru. Verksmiðjan þarf ákveðið magn til að sá kostnaður dreifist og verðið á hverja einingu verði sanngjarnt. Efni er líka oft keypt í heilum rúllum eða lotum.

Mestu skiptir hve mikið þarf að sérsníða. Vara úr efni sem verksmiðjan á til er yfirleitt hægt að fá í minna magni en vara úr sérlituðu efni eða með sérsmíðuðu móti.

• Hvort efnið eða garnið er litað sérstaklega
• Hvort þarf nýtt mót eða snið
• Fjöldi lita og stærða
• Hvernig merkið er sett á, til dæmis ofið, útsaumað eða prentað
• Hvort umbúðir eru sérprentaðar

Oft gildir lágmarksmagnið um hvern lit fyrir sig. Ef pantaðir eru fimm litir getur heildarpöntunin því orðið mun stærri en lágmarksmagnið gefur til kynna. Stærðum er hins vegar oft hægt að blanda innan sama litar.

Stundum, en þá hækkar verðið á hverja einingu. Aðrar leiðir eru að velja liti og efni sem verksmiðjan á til, fækka litum eða greiða sérstakt uppsetningargjald.

Þegar magnið er lítið er framleiðsla eða prentun á Íslandi oft betri kostur, því hún er fljótari og hvorki flutningur frá útlöndum né tollafgreiðsla bætist við. Framleiðsla erlendis borgar sig þegar magnið er meira eða varan á að vera sérhönnuð.